Um samtökin

Vigdís – Vinir gæludýra á Íslandi:

Félagið var stofnað 19. júní 2013 og hefur öðlast öll þau réttindi til að halda utan um verkefnið Lesið fyrir hund ( R.E.A.D ) á Íslandi.

Áhugi á að stofna félag með áherslur á  lestrarþjálfun með hundum kviknaði eftir að Margrét Sigurðardóttir, Brynja Tomer og Sóley Ragnarsdóttir höfðu, ásamt hópi af áhugasömu fólki, skipulagt tilraun með verkefnið Lesið fyrir hund á Íslandi.

Félagasamtökin Vigdís – Vinir gæludýra á Íslandi voru stofnuð í þeim megintilgangi að stuðla að útbreiðslu R.E.A.D. á Íslandi. Um er að ræða lestrarverkefni að bandarískri fyrirmynd sem nefnist R.E.A.D. (Reading Education Assistance Dogs).  Félagasamtökin Vigdís eru samstarfsaðili R.E.A.D og hafa aflað sér leyfi og umboð til að hafa umsjón með R.E.A.D.-verkefninu á Íslandi.

Frá stofnun Vigdísar 2013 til vors 2023 hafa rúmlega 1000 börn lesið fyrir hunda á Íslandi á vegum félagsins.

Vigdís – Vinir gæludýra á Íslandi heldur reglulega námskeið fyrir hundaeigendur/sjálfboðaliða og metur einnig hunda þeirra inn í verkefnið. Allir sjálfboðaliðar/hundaeigendur skrifa undir trúnaðarskjal og skila inn sakavottorði.

Nánari upplýsingar gefur Ragnheiður Elín Clausen formaður Vigdísar: hundalestur@hundalestur.is